Gobolka Awdal Oo Noqday Dakhliga Labaad Somaliland [Ka Akhri Gudaha]

0
Thursday 12th July 2018 19:33:31 in Wararkii Maanta by Tafatiraha Guud
  • Visits: 468
  • (Rating 0.0/5 Stars) Total Votes: 0
  • 0 0
  • Share via Social Media

    Gobolka Awdal Oo Noqday Dakhliga Labaad Somaliland [Ka Akhri Gudaha]

    Gobolka Awdal Oo Noqday Dakhliga Labaad Somaliland [Ka Akhri Gudaha]

    Share on Twitter Share on facebook Share on Digg Share on Stumbleupon Share on Delicious Share on Google Plus

Gobolka Awdal Oo Noqday Dakhliga Labaad Somaliland [Ka Akhri Gudaha]





Wasiirka Wasaaradda Horumarinta Maaliyadda Mudane Yuusuf Maxamed Cabdi ayaa waxa uu hambalyo iyo boogaadin u diray dhammaan hawl-wadeennada waaxda Cashuuraha Berriga ee gobolka Awdal oo ka kooban shaqaale iyo ciidanka ilaalada cashuurta. Si gaar ah waxa uu wasiirku hambalyo gaar ah ugu diray Maamuulaha Xafiiska Cashuuraha Berriga ee Gobolka Awdal Mudane Maxamed Ducaale Xasan.


Wasiirku waxa uu sheegay in iyada oo ay jiraan duruufo adag oo kala duwan, hadana, wuxu maamuulaha gobolku ku guulaystay soo saarista dakhligii ugu badnaa abid ee ka soo baxa degmada Boorama ee Gobolka Awdal.




Tani waxay ka dhigaysaa in ay Gobolka Awdal ku jirto kaalinta labaad ee soo saarista dakhliga iyada oo ay ka horreyso oo kaliya Gobolka Maroodi Jeex; halka ay markii hore kaalinta labaad ku jirtay gobolka Togdheer.

Wasiirku isaga oo arrintaa ka hadlaya waxa uu yidhi "Waxan halkan hambalyo iyo boogaadin uga dirayaa Maamulaha iyo maamule ku xigeenka xafiiska Cashuuraha Berriga ee gobolka Awdal iyaga oo soo saaray dakhligii ugu badnaa ee ka soo baxa gobolka Awdal. Markii hore waxa kaalinta labaad ee dakhli soo saarka Waaxda Cashuuraha Berriga ku jiray gobolka Togdheer. Balse imika waxa kaalinta labaad soo gashay gobolka Awdal oo waxa ka horreysa oo kaliya gobolka Maroodi-jeex”




Wasiirku isaga oo hadalkiisa sii wata waxa uu yidhi "Iyada oo ay jiraan duruufo adag oo ku xeeran guud ahaan xafiiska Cashuuraha Berriga ee Gobolka Awdal, hadana, taasi kamay joojin in ay u shaqeeyaan qaranka oo ay u soo saaraan dakhli joogto ah. Waxan xog-ogaal u ahay hawl-karnimada, dedaalka iyo shaqada joogtada ah ee ay ku hawlanaayen hawl-wadeennada xafiiskaas. Waxay si hufan uga soo baxeen waajibaadka ka saaran qarankooda. Xafiiskani waxa uu mutaysay in uu tusaale u noqdo dhammaan gobollada kale isla markaa na ay maamulayaasha gobollada ee Waaxda Cashuuraha Berrigu ay la mid noqdaan maamulaha gobolka Awdal Mudane Maxamed Ducaale Xasan iyaga oo kaga dayanaya hawlkarnimada, dedaalka iyo hufnaanta shaqo ee uu muujiyay.




Ugu danbeyn, waxa uu wasiirku sheegay in uu u abaal-gudi doono maamulaha iyo maamule ku xigeenka xafiiska Cashuuraha Berriga ee gobolka Awdal, waxaana uu yidhi "maadaama oo ay siyaasadda Wasaaradda Horumarinta Maaliyaddu ay tahay abaal-marinta shaqaalaha ka soo baxa shaqadiisa loo igmaday, waxan halkan ka ballan-qaadayaa in aan guddoonsiin doono abaal-marin.”

Allaa Mahad Leh

Yuusuf Maxamed Cabdi
Wasiirka Wasaaradda Horumarinta Maaliyadda

LATEST NEWS