Caasimad Qaran Mise Caasimad Qabiil mar hadaaney Reer Awdal xaafad U Gaara ah ku la hayn Hargaisa? Iyo 3 sababood oo mustaqbalka dhow la yaala Awdal !! Dr.khadar-Libaaxley.

0
Wednesday 10th October 2018 14:02:44 in Aragtida Dadweynaha by Xafiiska Sare
  • Visits: 85
  • (Rating 0.0/5 Stars) Total Votes: 0
  • 0 0
  • Share via Social Media

    Caasimad Qaran Mise Caasimad Qabiil mar hadaaney Reer Awdal xaafad U Gaara ah ku la hayn Hargaisa? Iyo 3 sababood oo mustaqbalka dhow la yaala Awdal !! Dr.khadar-Libaaxley.

    Wax-kasta oo aad maqasho ama aad aragto waxa ay ku dhisanyihiin xisaab xikmadeysan iyo

    Share on Twitter Share on facebook Share on Digg Share on Stumbleupon Share on Delicious Share on Google Plus

Wax-kasta oo aad maqasho ama aad aragto waxa ay ku dhisanyihiin xisaab xikmadeysan iyo
cilmi ku muunadeysan astaamo muuq leh tan iyo aakhiro; ma’aha sunaha nolosha in aad cunto oo aad cabto deedna dookh iyo damac la’aan iska qososho oo aad dhaqaaqdo xog la’aan.
10/8/2018 waxa dareenkayga soo jiitay kulan kii Golaha Guurtida ee ahaa xog-wareysi dhexmarey duqa caasimada Hargaisa iyo Gudigii joogtada ee Golahaasi, miidha iyo murtida kulan kaasi ayey mucdiisu aheyd ( in Duqa caasimada Hargaisa Madaxweynuhu farey in Madaxtooyada loo raro Xaraf-Galbeedka Hargaisa; in Golaha guurtida loo raro koon-furta Hargaisa, in Golaha Wakiilada loo raro Bariga Hargaisa; dhamaantoodna noqonaya yagleel cusub ) .
Deegamada caasimada Hargaisa ayaa u macno taagan inta badan ( Baadi sooc ahaan ama hayb ahaan) : Beesha H.Awal Galbeedka iyo Waqooyiga Hargaisa , Beesha Garxajis Bariga iyo koon fur bari Hargaisa, Beesha Arab iyo Ayuub koon-fur iyo koon-fur galbeed Hargaisa ; Gada-buursi, H.jeclo , Harti iyo soomaalida kaleba wey ku dhex muunadeysanyihiin sida carmada ama dhilowyahanku geedka u muunadeeyaan oo kale.
Wadamada dariska ah Djabuuti, Adis-ababa, Nairobi, London , Minesota iyo Riyaada sucuudiga iyo meelo kale oo badan dawladuhu waxa ay u maareeyeen caasimadahooda kuwo caalamiya oo cid-walba deeq ah, iyaga oo u qoondeeyey xaafado gaar ah si lamid ah Xaruntii Boqortooyadaii ADAL ee saylac ka hor qarnigii 17aad oo guri u noqotay in kabadan 50 qoomiyadood oo ay ugu tun-weynaayeen ( soomaalida, canfarta, carabta iyo itoobiyaanka ).
La haanshaha Caasimada Hargaisa sida xaafadaheeda loogu kala suntahayaha waxey tilmaan cad u tahay ( xeerka dhabta ah ee naf-qaybsi dalka ) sidaa daraadeed Reer Awdal waxa ay xukuumada somaliland uga fadhiyaan helitaanka xaafad u gaar ah si caasimada u noqoto Caasimad Qaran oo aaney u noqon caasimad Qabiil kaliya leeyahay.
Xalka mustaqbalka dhaw ee Reer Awdal :
1. Maadaama ingiriis ka hor reer Awdal ahaayeen xaalad iyo saban la joogeyba Maamul, Dawlad iyo Boqortooyo islaamiya illaa qarnigii 13aad ; waxa maanta mahuraan ah iyaga oon dar-jiidheyn gooni isku taaga Dawladnimada somaliland iyo xuduudii ingiriiska waxa ay mudanyihiin ( Dawlad Deegaan ama Dawlad Goboleed somaliland ka mid ah).
2. Maadaama Dawlada Ethoipia 1994 yaqiinsatay oo ay garatay in ( Magaalada Harar ) u aqoonsato Dawlad Deegaan ama Dawlad goboleed ka mid ah 9 ka dawlad goboleed ee itoobiya , taas oo ugu dhul iyo dad yar marka la barbar dhigo 8 kale sababtuna tahay sooyaalka taariikheed ee ay leedahay iyo tixgalinta dadkeeda iyo deegaankeeda inta xuduuda itoobiya ku jirta maanta ; iyada oo xuduudaha horteed iyo ingiriis ba Gobolka Saylac ka hor Gobolka Awdal ka tirsanaa maamul ahaan Caasimada Harar ee dawladii ADAL / Adari ee maanta itoobiya ah , sidaa daraadeed Dawlada somaliland Reer Awdal waxay uga fadhiyaan tixgalin la mid ah oo macnaheedu yahay ( wax aan ka yareyn Dawlad Goboleed ) taas ethoipia siisay Harar ; Herer tii somaliland ka hor Reer Awdal horey uga mid ahaayeen.
3. Maadaama Dawladnimada somaliland ee maanta jirta laga soo caro-qaaday dhuxulaheeda shirkii Borama 1993 , nabad ku baaqii iyo nabadeyntii beelaha oo ahaa gudashada waajib maalintaa yaaley marka laga yimaado , waxa lagaadhey xilligii Reer Awdal hoos iskugu tashan la haayeen tallo sax ah oo iyaga iyo qaybaha kale ee Reer Somaliland intaba u cuntanta.


Gunaanad:
Waxa aan si buuxda taageersanahay xukuumada somaliland iyo qadiyada jiritaanka somaliland, ma’aha af-lagaado iyo ceebeyn, waxa ay iigu muuqataa waxa aan ka hadlaayo in ay tahay xuquuq ummadeed iyo masiirkood ; waxa aan Dawlada markale ka dalbayaa in Xaafadaha Caasimada Hargaisa dib u qiimeyn iyo qaabeyn lagu sameeyo ilsa markaana Reer Awdal ka helaan Xaafad u gaar ah oo loo aqoonsado iyaga.
Waxa la gaadhey xilli ay lagama maar-maan tahay in Dadweynaha Awdal isku tashan la haayeen iyaga oo isku dhan isla markaana ay gaadhi la haayeen tallo togan oo ay xukuumadu qayb ka tahay , meel mar-leh taasi oo ka farxineysa Reer Awdal iyo Dhamaan Reer Somaliland oo dhan , talladaasi biyo dhaceeduna ahaado yagleelida Maamul Dawlad Goboleed oo Reer Awdal u dhanyahay, qof ahaan aad baan u hubaa Dawlad goboleed Awdal hesho in si weyn ay isku bixineyso iyo dheeraad.
Duqa Degmada Borama waxa laga rabaa ku tallagalka Caasimad Loo dhanyahay oo dhamaan Reer Awdal u dhanyahay Xaafad xaafad iyo waliba soomaali iyo ummadaha kale ee caalamka.

Dr.khadar -Libaaxley
Regional political analysts

10/10/2018.


 

FIIRO GAAR AH:

Karin News marnaba kama masuul aha aragtida Qoraaga iyo Ujeeddada uu ka leeyahay, Karin News wax ay isu gudbisaa aragtiyaha kala duwan!!

LATEST NEWS