Booliiska dalka Kenya "ayaa toogasho ku dilay 21 ruux"

0
Wednesday 3rd July 2019 13:15:51 in Wararkii Maanta by Madaxa Wararka
  • Visits: 715
  • (Rating 0.0/5 Stars) Total Votes: 0
  • 0 0
  • Share via Social Media

    Booliiska dalka Kenya "ayaa toogasho ku dilay 21 ruux"

    Booliiska dalka Kenya "ayaa toogasho ku dilay 21 ruux"

    Share on Twitter Share on facebook Share on Digg Share on Stumbleupon Share on Delicious Share on Google Plus

Booliiska dalka Kenya "ayaa toogasho ku dilay 21 ruux"

Booliiska Kenya ayaa toogasho ku dilay 21 ruux oo oo ay ku eedeeyeen in ay dambiileyaal yihiin, arrintaasina waxay dhacday tan iyo bishii Agoos ee sannadkii hore, sida ay sheegtay hay’adda xuquuqda aadanaha u dooda ee Human Rights Watch oo waraysiyo la yeelatay qoysaskii dadkaas iyo dad goob joogeyaal ah.

"Booliiska ayaa xira dad aan hubaysnayn ka dibna toogta, booliiska iyo waaxda daba gashagasha ficillada booliiskuna wax badan kama qabtaan sidii arrantaas loo joojin lahaa,” ayay tiri Otsieno Namwaya oo ka tirsan hay’adda xuquuqda aadanaha u doodda ee Human Rights Watch.

Billawgii sannadkan BBC ayaa barnaamij ka diyaarisay koox looga shakiyay in ay dadka laayaan oo booliiska Kenya ka tirsan, waxaa lagu eedeeyay in ay Facebook-ga isticmaalayeen si ay u bartilmaameedsadaan una dilaan dhallinyarada ay rumaysan yihiin in ay ka tirsan yihiin burcadda.

Hay’adda xuquuqda aadanaha u doodda ee Human Rights Watch waxay sheegtay in ay ogaatay in saddex maalmood gudahood ay booliisku ku dileen 7 ruux oo ay sheegeen in ay falal dambiyeedyo ka wadeen deegaanka Mathare ee caasimadda ka tirsan, arrintaasina ayaa dhacday bishii Abriil.

Afhayeenka booliiska Charles Owino ayaa HRW u sheegay in ay tahay in waaxda dusha kala socota shaqada booliiska ay baaritaan ku samayso eedaymaha la soo jeediyay.

"Askari kaste oo sharciga jabiya waxaa waajib ah in uu shaqsi ahaan u wajaho cawaaqibka dambigii uu galay” ayay ka soo xigatay hay’dda Human Rights Watch.



Loading...
LATEST NEWS