[War Deg Deg Ah:-] Madaxweynaha Somaliland Oo Cafis Guud U Fidiyey Maxaabiista Dembiyada Fudud Ku Xukuman Ee Xabsiyada Dalka Ku Xidhan.

0
Monday 19th July 2021 13:44:36 in Wararkii Maanta by Madaxa Wararka
  • Visits: 225
  • (Rating 0.0/5 Stars) Total Votes: 0
  • 0 0
  • Share via Social Media

    [War Deg Deg Ah:-] Madaxweynaha Somaliland Oo Cafis Guud U Fidiyey Maxaabiista Dembiyada Fudud Ku Xukuman Ee Xabsiyada Dalka Ku Xidhan.

    Madaxweynaha Somaliland Oo Cafis Guud U Fidiyey Maxaabiista Dembiyada Fudud Ku Xukuman Ee Xabsiyada Dalka Ku Xidhan.

    Share on Twitter Share on facebook Share on Digg Share on Stumbleupon Share on Delicious Share on Google Plus

Madaxweynaha Somaliland Oo Cafis Guud U Fidiyey Maxaabiista Dembiyada Fudud Ku Xukuman Ee Xabsiyada Dalka Ku Xidhan.



Hargeysa(Karin News)- Madaxweynaha Jamhuuriyadda Somaliland, Mudane Muuse Biixi Cabdi waxa uu wareegto madaxweyne oo summaddeedu tahay JSL/XM/WM/222-697/072021, uu Cafis Guud u fidiyey Maxaabiista dembiyada fudud ku xukuman ee xabsiyada dalka ku xidhan.




Waxaanay u dhignayd Wareegtada Madaxweynuhu Sidan:-

Wareegto Madaxweyne:

Cafis:

Markaan Arkay: Dastuurka Jamhuuriyadda Somaliland, Qodobka 90aad, Xubintiisa 5aad;

Markaan Arkay: Xeerka Ciqaabta Guud, Qodobkiisa 149;
Markaan Tixgaliyey: Warbixinta Taliska Guud ee Ciidanka Asluubta ee summaddiisu tahay TCA/G-1/208/2021, kuna taariikhaysan 17/07/2021;
Markaan Arkay: Soo-jeedinta Xafiiska Xeer Ilaaliyaha Guud ee Qaranka ee summaddiisu tahay XIG/JSL/192/2021, kuna taariikhaysan 17/07/2021;
Markaan Tixgaliyey: Munaasibaadda Ciidal Adxa awgeed ee sannadka 2021, kuna beegan 1442;

Waxaan Go’aansaday;

In laga bilaabo taariikhda maanta aan Cafis Guud u fidiyo Maxaabiista dembiyada fudud ku xukuman ee xabsiyada dalka ku xidhan, oo tiradoodu dhan tahay 279 (Laba Boqol Sagaal iyo Toddobaatan) maxbuus. Cafiskani saamayn kuma laha xuquuqda madaniga ah iyo raadka ciqaabeed ee ka dhalanaysa dembiyadda ay ku xukunnaayeen, sida ku xusan qodobka 92aad ee Xeerka Ciqaabta Guud.

Cafiskan waxa fulinaya Xafiiska Xeer Ilaaliyaha Guud ee Qaranka, iyada oo la raacayo liiska Maxaabiista.


ALLAA MAHAD LEH
Muuse Biixi Cabdi
Madaxweynaha JSL.




No photo description available.







LATEST NEWS